జాను రివ్యూ 

spotnewschannel rating : 3/5 

తమిళ్‌లో మంచి హిట్ టాక్ తెచ్చుకున్న 96 సినిమాను తెలుగులో రీమేక్ చేయాలనుకున్నప్పుడు దిల్‌రాజుకు చాలా పొరపాట్లు ఎదురయ్యాయి. అయితే జాను పేరుతో నేడు తెలుగులో రిలీజైన ఈ సినిమా ఎంతవరకు ఆకట్టుకుందో చూద్దాం. 
 
కథ: 
రామ్ (శర్వానంద్) తన హైస్కూల్ ప్రియురాలు జాను (సమంత). అయితే జానును చిన్న తనంలోనే ప్రేమించినా ఎప్పుడూ కూడా రామ్ జానుకి ప్రపోజ్ చేయడు. అయితే దాదాపు 15సంవత్సరాల తర్వాత వీరి చిన్ననాటి స్నేహితులంతా కలిసి గెట్ టు గెదర్ ఏర్పాటు చేస్తారు. ఆ గెట్ టుగెదర్‌లో రామ్,స జాను ఇద్దరు మళ్ళీ కలుస్తారు. 15 సంవత్సరాల తర్వాత కలిసినా వీరిద్దరి మధ్య ఏం జరుగుతుంది? వీరి మధ్య ఎమోషనల్ బాండింగ్ ఎటువంటిది? వంటి విషయాలు తెలియాలంటే ఈ సినిమాను చూడాల్సిందే.  
 
విశ్లేషణ :
‘జాను’ వంటి క్లాసిక్ సినిమాను తెరకెక్కించడం అంత తేలికకాదు. ఈ క్రెడిట్ అంతా దర్శకుడు ప్రేమ్ కుమార్‌కే దక్కుతుంది. ఈ సినిమాలో హీరోహీరోయిన్ల మధ్య సన్నివేశాలు అద్భుతమైన ఎమోషన్ అండ్ ఫీల్ గుడ్ లవ్ స్టోరీగా సాగాయి. ఇక తాను మంచి నటుడని అని శర్వానంద్ మరోసారి నిరూపించుకున్నాడు. అతను తన కెరీర్‌లో రామ్ పాత్ర ద్వార ఉత్తమ నటనను కనబరిచాడు. అమాయకత్వం, భావోద్వేగాల పరిపక్వతలను శర్వానంద్ తన నటనతో మరో స్థాయికి తీసుకువెళ్లాడు. అతను ఈ సినిమాకి మెయిన్ పిల్లర్‌గా నిలిచాడు అనడంలో ఎలాంటి సందేహం లేదు. సమంతకి ఇది చాలా కష్టతరమైన పాత్ర అయినప్పటికి ఆమె మరోసారి తానేంటో నిరూపించుకుంది. ఈ సినిమాలో ఆమె పర్ఫార్మెన్స్ కన్నీరు పెట్టిస్తుంది. ఇక క్లైమాక్స్ విషయానికి వస్తే సినిమా మరింత అద్భుతంగా ఉంది. ఈ సినిమాలో సమంత, శర్వానంద్‌ల జోడీ ఆకట్టుకుంటుంది. వీరిద్దరు కాకుండా వేరేవారిని ఊహించుకోలేమన్నట్టుగా వీరు ఆకట్టుకున్నారు. ఈ చిత్రానికి బీజీఎం కూడా అద్భుతంగా ఉంది. 
అలాగే... ఒక భగ్న ప్రేమికుడికి జీవితంలోని సంఘటనలను బాగా రాసుకున్న దర్శకుడు స్క్రీన్ ప్లేని మాత్రం ఆ స్థాయిలో ఆకట్టుకునే విధంగా రాసుకోలేదు. ముఖ్యంగా సినిమాలోని కొన్ని సన్నివేశాలను బాగా స్లోగా నడిపారు. ఇక సెకెండాఫ్ ని కాస్త ఎమోషనల్ గా నడుపుదామని దర్శకుడు బాగానే ప్రయత్నం చేసినప్పటికీ అది పూర్తి స్థాయిలో ఆకట్టుకోలేదు. ఈ సినిమా రీమేక్ కావడంతో ప్రేక్షకులు అసలు సినిమాతో ఈ సినిమాను పోల్చి చూసుకుంటే మాత్రం కాస్త నిరాశపరుస్తుంది. పైగా ఈ సినిమా ఫుల్ ఎంటర్‌టైన్మెంట్ మాత్రమే కాకుండా నెమ్మదిగా సాగుతుంది. ఈ సినిమా స్క్రీనే ప్లే సాదాసీదాగా ఉండడంతో లవ్ స్టోరీలో నాటకీయత కానీ.. ఎలాంటి మలుపులు కానీ కనిపించవు. 
 
సాంకేతిక విభాగం :
డైరెక్టర్ ప్రేమ్ కుమార్ ప్యూర్ లవ్ స్టోరీకి సంబంధించి మంచి పాయింట్ తీసుకున్నారు. అయితే సినిమాలో కొన్ని సీక్వెన్స్ స్లోగా నడిపారు. మహేందిరన్ జయరాజు సినిమాటోగ్రఫీ బాగుంది. సినిమాలో స్కూల్ దృశ్యాలతో పాటు కథకు అనుగుణంగా ఆయన విజువల్స్ ను చాలా అందంగా చిత్రీకరించారు. అలాగే.. సంగీత దర్శకుడు గోవింద్ వసంతన్ అందించిన పాటల్లో రెండు పాటలు ఆకట్టుకుంటాయి. ముఖ్యంగా సమంత, శర్వాల మధ్య వచ్చే సన్నివేశాల్లో ఆయన అందించిన నేపధ్య సంగీతం చాలా బాగుంటుంది. ఎడిటింగ్ కూడా బాగా చేశాడు. సినిమాలోని నిర్మాత దిల్ రాజు పాటించిన ప్రొడక్షన్ వాల్యూస్ రిచ్ గా ఉన్నాయి. 
 
తీర్పు:
జాను మూవీ ఒరిజినల్ 96లోని ఎమోషన్స్ ను దించేసిన పర్ఫెక్ట్ రీమేక్